خبرتيا او بلنه

aakcs-logo-transparent-bg-2

 

د ټولنې د ټولو محترمو غړو نه په ډېر درنښت هيله کوو چې خپل ماشومان د ټولنې په لاندينيو فعاليتونو کې د برخې اخستلو لپاره وهڅوي او په لاندينې وخت او پته يې را ولي. تر څو ددې فرصت نه د ګټې پورته کولو په واسطه خپله مورنۍ ژبه پیاوړې، د ښوونځي په نورو درسونو کې پرمختګ وکړي، د سپورت په ميدان کې د ښه صحت خاوندان شې او وځليږي. همدا شان د خپل کلتور او عنعنو سره نژديوالې ولري او خپل کلتور او ژبه پدې جلاوطنې کې ژوندې وساتي.

 

تعليمي کورسونه˸ د مورنئ ژبې (پښتو او دري)، اتڼ، ملي سرود، رياضي او نورد ښوونځي په درسونو کې د مرستې لپاره خپل ماشومان په لاندې پته او وخت راولئ. کورسونه به د راروانې يکشنبې يانې  ۸ اتم د فیبروري نه پیل کيږي او د راجستر کولو اړتيا نشته.

وخت˸ هره يکشنبه د ماذديګر د څلور نيمو بجو نه تر اووه نيمو بجو.

Tid: Söndagar kl:16:30 – 19:00

Plats: Lindgårdens Mötesplats

Lindängplan 4, Malmö

د اړتيا په وخت کې زمونږ د ښوونې او روزنې د څانګې د مسؤل احمد ګل اندړ سره په لاندې شميره کې په اړيکه شئ. هيره دې نه وي چې دغه ماشومان ته به د دوبي (اووړي) په موسم کې د توسي ليلیی په تفريحي پروګرام کې د لمړيتوب حق ورکول کيږي.

Ahmad Gul Andarh: 073-576 68 67

 

سپورت˸ ټولنه پلان لري چې د مارچ په مياشت کې د خپلو غړو لپاره د واليبال او فوټبال د زده کړې کورسونه پيل کړي، البته دا کورسونه د هغو ځوانانو  لپاره دي چې د والیبال او فوټبال په ډګر کې نوي وي. ددې کورسونو لپاره د ځان راجسترول اړين دي تر څو ټولنه د مينوالو په حساب خپل د فعاليت لپاره نور اقدامات لکه د سپورت د لوکال نيول، مهالویش او دتمرين لپاره نور مواد اماده کړي.

د اړتيا په وخت کې زمونږ د سپورت د چارو د مسؤل ميوند اغا سره په لاندې شميره په تماس کې شئ. هيره دې نه وي چې دغه ځوانان به د دوبي (اووړي) په موسم کې پر يو تفريحي پروګرام نازول کيږي.

Maiwand Agha073-6292522

 

د ټولنی اداره

Comments are closed.